سهرنا بليلة صفا وفاض الندي بالكاس
وشفتك ملاكة حلا تضحك مقابيلي
من حبر عيني إنسكب حرف الندي ألماس
وسكرة دموع الشمع صارت تصليلي
وما بين طهر الصلا وترنيمة القداس
وملعب حنين الهوى الما بيترك مثيلة
شيطان روحي وقف ع عتبة المتراس
يقصف قذايف نظر ويعود يحديلي
عرفتك حدايق ندي ومروج ورد وآس
مع فوح عطرك كنت إكتب مواويلي
ياما حروف الشعر منها الحلا مقياس
عملت وياما الفكر بعدو مخبيلي
وشو سرقت صوبك نظر بس الأمل ما خاس
وشو بعثت صوبك مع اللهفة مراسيلي
وياما حرقني السهر وتنهنه القرطاس
لما دموع الألم ما دشرت حيلة
بعدو حنيني إلك مرجوحة الإحساس
وبعدو جناحي طري بحبك بلا جميلة
وبعدك خيالي الوفي لولا إكتبت للناس
وبعدك لصوتي نغم جيلي بعد جيلي
وبعدك بكركة حلا خمرة وحي بتنباس
ومن كرم عبقر شهد ما تزغزغت ميلي
وحياة دمعك معي وخمرة أبو النواس
غيرك يا روحي كرم ما بظن يعنيلي
ليست هناك تعليقات:
إرسال تعليق