قلي نهيد القلم يا صاحبي شوباك
ببكي قبالك حبر دمعات مكتوبي
شفتك بدمع الفكر بتنادم الأفلاك
وتكتب قصايد وجد ع خدود مسحوبي
عنك حبيبك نوى ومع غربتو ساواك
وقرر خيار البعد يدخل بغيبوبي
والعتم غطى الأمل وبوحدتك خلاك
وقلك ظلامو العشق يا ناس أكذوبي
يا شريك فكري أنا ما تعمدت يغشاك
العقل اللي صرلك معو أفلاك منصوبي
عايش بلحظة فرح من يوم ما لاقاك
ما حس مثلا القلب أيام الخطوبي
بتحكي بلساني إذا فكر النعس جافاك
بتحكي بقلبي غنى ع نوتة عذوبي
بتحكي بنفسي صلا الشمعة مع النساك
بتحكي مراجل شعب مع كل حوروبي
واليوم لما إنحجب اسمي الوفا ناداك
وقلي أنيني انحكم ع عيشنا صعوبي
خبر يا خيي الولف بالأمر بترجاك
قلوا بحقلي الأمل ما بتنقصو خصوبي
بعدك بعيني حلم وبيوم ما بنساك
بعدك بروحي وعد وحروف مطلوبي
بعدك أماني عمر كنزي صفي ملقاك
ووحدك بقلبي با قلبي وبس محبوبي
ليست هناك تعليقات:
إرسال تعليق