شحرور
موال1:يا طيري بالسما حلّق وعد لّي
قلبي جمّع حبابي و عدّ لي
حلفت تا يحكمك حبي وعدلي
غيابك فجرّ بقلبي العذاب
* * * * *
شحرور من جنبي مرق
قلبي على غصنو إحترق
حسيت عمري بخطوتو
مشوار لحظة , ورمشتو
سهم ومن ضلوعي إخترق
شحرور من جنبي مرق
* * * * *
صوتو موسيقا ودندنه
أوف وعتابا وميجنا
الإحساس من لحنو نزل
والحب ع نولو إنغزل
والشعر غنى ع الورق
شحرور من جنبي مرق
* * * * *
يا رب في عندي رجا
نهاري يجي بعد الدجى
وشوفو بعيني وإلمحو
وصدري بحبو إشرحو
صفيت ع آخر رمق
شحرور من جنبي مرق
* * * * *
تمنيت تا زيد العمل
إبقى ويبقالي أمل
وإلمس كفوفو وأغمرو
وبيتي بحبي عمرّو
وإنسى بعاطفتي القلق
شحرور من جنبي مرق
* * * * *
موال2:يا طيري بجانحك والحب علّي
و روح لولف جبلي ألف علي
و إجمعني بحبيب القلب عّلي
بملقى بسمتو إلغي العذاب
ليست هناك تعليقات:
إرسال تعليق