يا نور عيني وفرحة سنيني ... شو نطرت شوف بعرسك الزينة
وانثر عليكي وردة الأفراح ............... ومبروك قلك لا تلوميني
لا القلب ع غيابك دقيقة إرتاح ... ولا ارتاح دمي في شراييني
الحقد اللئيم بيوم أسود راح ..... بدل ما ينزل فوق راسك ورد
باعث قذايف يا تقبريني
يا نور دخلك ليش بكرتي ............. قلب الأحبة بهجرك كسرتي
نور الشهادة بثوب أبيض طل ............... قلك حلا بالنور نورتي
مجد الوطن ع نور وجهك دل .............. منغار منك كلما نظرتي
ومن وقت فليتي ع نورك ظل ... يكتب صلا ويقول إسمي صار
نور بوقت ما خالدة صرتي
يا بو كرم كرمك حمل أثمار ....... نورك ع غصنو أعقدت آية
بعدك شموخ وحرف ما بينهار .... بيرسم حكاية بيكتب حكاية
مبارح وقت جولاننا الجبار .. ع الأجنبي ما استنفذ الغاية
كنت المقاوم والبطل والنار ... بتشيل جنب رفاقك الراية
واليوم نورك ع الفدا بتغار ..... مراية وفا بتنقل من مراية
قالت يا بيي تركتنا بالدار ........ وليدات نغفى بفرد تكاية
كنا زغار اليوم صرنا كبار ........... والحب فينا صار بوكاية
كبرنا وحفظنا صنعة الأبرار ....... وما همنا لولا جسدنا راح
بيهمنا مجد الوطن جايي
الله يرحم شهيدتنا الشابة نور نوفل منذر
ونتقدم بالشكر الجزيل لك من واسانا بمصابنا وندعو من الله عز وجل ان لا يفجعكم بغالي
ليست هناك تعليقات:
إرسال تعليق