بين الحفيف العلى صوتك تعب مرسوم
وبين النهيد المن ضلوعي بيحاكيني
سمعتك (نطرتك) ندهتي بصوت مش مفهوم
وقلتي ع لحظة صفا بالروح لاقيني
بلش عذابي صلا ياريت فيي قوم
وإمشي ببحر الألم من أجلها سفيني
وآخذ ألمها إلي وعيش العمر محموم
وتسهر ع جنبي نرس والحب تعطيني
صوتك سمعتو بترنيمة سحر مغروم
شطر ع لحن الجوى قربانة سنيني
كلما تغني نغم يبدى حنيني يصوم
والدمع فطم غوى زهرة بساتيني
وجوق البلابل رقص ع دقة المقسوم
كورس منظم ع مسرح غصن شربيني
وسحر المعاني رسم ع فجرنا المحكوم
شال النبيذي وصرخ يا ليل خبيني
دمعي ع خدي سقي ورد الأمل بكروم
وقريت معنى إنكتب تا عاد يكويني
الله يعين القلب لولا بقي مهموم
والله يعين اليتيم الما إلو زيني
والله يعين الطفل لولا صفي مفطوم
والله يعين اللي عاش الحب تشريني
والله يعين اللي من حبو غفي محروم
ولا قال مرة حياتي ويا تقبريني
ليست هناك تعليقات:
إرسال تعليق