لما ع السطيحة بعتم الليل ........ قعدنا وكتبنا حروف منعجمة
طل القمر من خلف برج سهيل ...... يشد الشفق بجدايل الهجمة
وقلوا إستنى يا صباح الخيل ........... وخبر تطل بنورها النجمة
من ميل خيم بالهنا ومن ميل ........ خلي العيون تظل منسجمة
وما بين قلبين القمر مرسال ......... ولحن البراءة بتعزف وتارو
النسمات فوقن عمروا عرزال ..... بلطف الطبيعة وع الورد دارو
وصار التلاقي يكبر الآمال ............... وكل عاشق يفلش سرارو
ويعقد حروفو للولف سلسال ......... بعنق الحبيبة ويغزل قمارو
وهاللوحة اللي العشق راسمها ............ نوار فتح وعدها ورودو
بأغلى حروف الحب حاكمها .......... وحالف أماني أهلها يعودوا
وما زال كل زهرة على كمها .......... قلبين جادوا وبعد بيجودوا
الحلوة المعي بالروح حالمها ........ لا القلب حد بسحرها الفرحة
ولا الحب غير صوبها حدودو
