يا من سكنتي بين ضلعيني .............. رجحت فيكي بالأمل عيني
خدودك بمكتبة العشق قرطاس ... خرطشت ع سطورا بحبر عيني
وشفاف حمرا خمرها مقياس .................. لوّن كرزها ورد الجنيني
وغمزة غوى منها العقل يا ناس ......... جال الدني برياش جنحيني
يا حلوتي الفيكي الوفا ما خاس .......... الياما حضنتك بين كفيني
بلطفك عطيتي الكاينة إحساس .......... مشتاق سدد بالهوى ديني
كرمك فرض عنقودك الحساس ......... طبق الأصل عنقودنا الزيني
وقلبك طلع من مقلعو إلماس .......... ما فيش داعي إسألو العنوان
بين الحنايا ساكن وبيني
ليست هناك تعليقات:
إرسال تعليق