وينو قمرنا طول غيابو .......................... فرخ بمرج القلب سرسابو
هوي بنورو موانس النجمات .................. وعشاق نورو بغيبتو ذابو
وينو اللي كان يرونق السهرات ....... ويرسم على سطر المدى شهابو
فل وتركنا من عدا بسمات ......................... مثل حرف مدشر كتابو
تعودت يا قلبي على الآهات ....................... لما حبيبك قفل حسابو
وصفيت تبكي وتمسح الدمعات ............ بحروف إسمو بريحة ثيابو
وتطبع لهيب الحب بالبوسات .............. مع كل نسمة تداعب عشابو
ومن بعد هالقصة صرت بالذات ............. كلما إنذكر محبوب قدامك
تدعي لربو يعود لحبابو
ليست هناك تعليقات:
إرسال تعليق