للشهيد البطل اللواء عصام زهر الدين
نافذ أسد الله
قالوا يا شاعر ع شهيد الحي ... وزع من دموع الشعر ورثي
قلتلهن بعدو بطلنا حي .................... كيف بدي عدد وإرثي
قوة عطانا وشالنا عواميد ......... بقصور مجدو صوب آمالو
مثل الشمس تا يطل فجر جديد ... غفى نهيد العاشقو قبالو
يا عم بو يعرب ما رح بتموت ......... بعدك بقلب الكل حامينا
دروسك بطولة حروفها ياقوت ...... طرزت جوهرها بآسامينا
بحمص الكرامة اسمها مثبوت ... بغوطة دمشق العم تطعمينا
بإدلب الخضرا انصب فيها زيوت ... بدير الرجال وشو بتعنينا
مجد الرجولة حرفها منحوت ....... بفعل الرجولة توجت دينا
نامت ع جبهة عز بالتابوت ........ وفاقت ع جبهة مرجلة فينا
ولا تظن إنك هيك رح بتمر .............. مرور الكرام بدربنا خيال
بتبقى مثل سلطان عندك سر ... تزرع شهامة بشو بيجي أجيال
لما بابورك للسفر ناداك ............. قلت الوطن يا رجال ما ولى
درب المعالي الظل يستناك ........... بعقدة جبينك مركزو تعلى
جندي عشت من طينة النساك ... ونور العقيدة بوجهك تملى
قصة بطولة بالشرق خلاك ............... نافذ بتدبيرك أسد الله
خرسنت حساد الجبل وبقيت ........ صورة مثل للشعب للأمة
قمة كنت قمة عندما ما مشيت ... وأرض الجبل قمة وسورية
قمة وفا إعتزت بهالقمة
