نفضت ثوب الصبح نسلت خيطانو
فلفشت منو الزمن وسحبت ألوانو
وبلشت غني بصوت البلبل المغروم
العذب نهيدو بأول أوف جيرانو
حبيت سمرة غفي ع خدها المهظوم
سكر الشهد وكتب ع النور أشجانو
تبنى فؤادي ومضي ع حبها المرسوم
وثبت قرارو وزرع بالفخر أركانو
حبك يا قلبي صلا بلبل وفي مكلوم
إستنى ع جرحو وهدى للروح أشجانو
من وحي نغمة شجن صفى الزمان يدوم
ويحمل عذابو معو وتخف نيرانو
تأمل بشاعر سكب خمرو نقط ع تخوم
جسم القصيدي ورسم للنور قصدانو
عتق نبيذ الحرف ع الدالية بكروم
شفق خدود القمر مع فجر نيسانو
حبك يا قلبي معي بآخي التقى ملزوم
ومازال صار الشعر للفرد عنوانو
مغزال حبو غزل من مدمعو المحموم
وشلال فكرو سكب للكون وجدانو
