لا تلومي

لا تلومي

لا تزعلي مني و لا تلومي ............. روحي بقربك بس محرومي
مظلوم فيكي بالمدى و حسيت ......... إنك بقربي كثير مظلومي
تنهدت غنيت رجعت صليت ....... تبقي بحياتي العمر محكومي
تا ظل فيكي صب بيت و بيت ...... و إبني بعينك عز و حكومي
تلاشيت فيكي و غيرتي خليت ........ تجمع شلايا فكار مهزومي
يا ريت ما عرفتك ولا تلاشيت ... وروحي تعيش الدهر محمومي
يا ريت قالوا ما بتبني بيت ........... و عندي ألف يا ريت ملغومي
من هالألف بدي بعد يا ريت ................... قلك تظلي بالعمر حدي
                           و تلغي أسايي و تطردي همومي

انتخابات

قالوا يا شاعر صار إجباري ........... ما تظلك حيادي بزمن عاري
ترشح عن رفاق الحرف ووقاف ...... موقف بتاريخ الوطن ناري
قلت بدي فكر ما بيخاف ................... وبيوم ما صفي إنجباري
وميزان عدلو بالمدى شفاف ..... وإشلح الثوب الحاسسو عياري
وبدي من البسمة زهر نفناف ........... وقلب أبيض بالعمل جاري
وسلسال حكمة والطبع مضياف ....... والحلم نهرو دافق وجاري
وبدي ما كلف موطني وإنشاف .. طالب مصاري وما حدى داري
قالوا في عندك للتحدي شفاف ...... ثبت وجودك ما بقى تداري
فكرت لحظة بشمخة الصفصاف .. وعربش ربيع النور ع سواري
وصفنت بين الموج والمجذاف ........... والبحر كنزو زاد أسعاري
وقلت ممكن ينتهي الإجحاف ........ وصفى خياري ينقل خباري
مازال عندي الحاء خيي القاف ............ قلت شو بدي بهالتجرة
                               مش حق نزل قيمة عياري